
ინფრასტრუქტურის მშენებელთა ასოციაცია/ICCA აცხადებს განაცხადების მიღებას “პროფესიონალი ხარჯთაღმრიცხველების განვითარების პროგრამაზე”, რომელიც ხარჯთაღმრიცხველთა – სამშენებლო სექტორში ერთ-ერთ ყველაზე დეფიციტურ სპეციალისტთა, კვალიფიკაციის ამაღლებას ითვალისწინებს. პროექტი ხორციელდება USAID-ის ეკონომიკური უსაფრთხოების პროგრამის ფარგლებში.
დეტალური ინფორმაცია ტრენინგის შესახებ: პროექტის ფარგლებში ჩასატარებელი სასწავლო პროგრამა მოიცავს: ხარჯთაღრიცხვისა და დანახარჯების კონტროლის საფუძვლებს, ხარჯთაღრიცხვის პრინციპებს ბეტონის სამუშაოებში, საინჟინრო ქსელში, გზის მშენებლობაში, მიწის სამუშაოებში და სხვა.
თარიღი: ოქტომბერი – თებერვალი, 2022
ხანგრძლივობა:
- თეორიული სწავლება: 60 საკონტაქტო საათი (30 შეხვედრა)
- პრაქტიკული სწავლება: 2 თვე
პრაქტიკული სწავლება დაყოფილია ორ ნაწილად და მოიცავს:
- პრაქტიკას (On job training), რაც მოიაზრებს მონაწილეთა ჯგუფებში (4-5 მონაწილე) განაწილებას წინასწარ შერჩეულ კომპანიებში/სახელმწიფო ორგანიზაციებში პრაქტიკული უნარ-ჩვევების შეძენის მიზნით;
- Capstone Project – პრაქტიკული სწავლების დროს მონაწილე შეასრულებს „რეალურ პროექტს“, რომელსაც შეაფასებს პრაქტიკული სწავლების ინსტრუქტორი. პროექტის წარმატებით შესრულების შემთხვევაში, მონაწილეთა ჯგუფი მას წარადგენს ფინალურ ღონისძიებაზე.
ტრენინგების გამართვის ადგილი: ინფრასტრუქტურის მშენებელთა ასოციაციის სატრენინგო დარბაზი, ლუბლიანას 13ბ, თბილისი.
ტრენინგის საფასური: მონაწილეობა სრულადაა დაფინანსებული USAID-ის ეკონომიკური უსაფრთხოების პროგრამისა და ინფრასტრუქტურის მშენებელთა ასოციაციის მიერ.
სავალდებულო მოთხოვნები მონაწილეთათვის:
- ასაკი – 21-40 წელი*, რომელიც განპირობებულია პროექტის სამიზნე აუდიტორიის მკაცრად განსაზღვრული ასაკიდან;
- ბაკალავრის დიპლომი ინჟინერიაში;
- სასურველია, აპლიკანტს ჰქონდეს სამშენებლო მოედანზე მუშაობის გამოცდილება;
- სასურველია, აპლიკანტს ჰქონდეს ხარჯთაღმრიცხველად მუშაობის გამოცდილება;
- ინგლისური ენის მინიმუმ საშუალო დონეზე ცოდნა;
- MS Excel-ის საბაზისო დონეზე ცოდნა (შეფასდება ტრენინგის დაწყებამდე).
თუ თქვენი მონაცემები აკმაყოფილებს ზემოთ ჩამოთვლილ მოთხოვნებს, გთხოვთ შეავსოთ შემდეგი სარეგისტრაციო ბმული არაუგვიანეს 2022 წლის 5 სექტემბრისა: https://docs.google.com/forms/d/e/1FAIpQLScbtpR0Swd4Ay2QRvzK9VmhcVaLBneNk_fNNBK1zJd6cisK3Q/viewform
მონაწილეთა რაოდენობა შეზღუდულია. დავუკავშირდებით მხოლოდ შერჩეულ კანდიდატებს, რომლებთანაც, შესაძლოა, ჩატარდეს დამატებითი გასაუბრება.
გისურვებთ წარმატებებს!
კანდიდატი არაუმეტეს 40 წლის უნდა იყოს ამ განცხადების გამოქვეყნების დღეს.