English
გრძელდება შეხვედრები მენტორინგის პროგრამის ფარგლებში. კომპანია “ენერგონის” ადმინისტრაციული დირექტორი ნინო მჭედლიშვილი კახეთში, თელავში შპს “ლაზიერს” სტუმრობდა. კომპანია მეტალოპლასტმასის კარ-ფანჯარას აწარმოებს. ნინო მჭედლიშვილი გაეცნო “ლაზიერის” საქმიანობას და რჩევები და რეკომენდაციები მისცა მწარმოებელს კომპანიის საქმიანობასთან დაკავშირებით.
პროგრამა ხორციელდება „შვეიცარიის განვითარებისა და თანამშრომლობის სააგენტოს (SDC) მიერ დაფინანსებული რეგიონებში მცირე და საშუალო საწარმოების განვითარების პროექტის(RSMEDP) ხელშეწყობით. RSMEDP პროექტი მიზნად ისახავს საქართველოს რეგიონებში დასაქმებისა და შემოსავლების გაზრდას, შვეიცარიის თანამშრომლობის, 2022-2025 წლების სამხრეთ კავკასიის რეგიონის პროგრამის შესაბამისად.