English
მენტორინგის პროგრამის უმნიშვნელოვანესი ეტაპი – მენტორისა და მწარმოებელი კომპანიების წარმომადგენლების შეხვედრები აქტიურ ფაზაში შევიდა. ერთ-ერთი პირველი კომპანია ასოციაციის გამგეობის წევრი სამშენებლო კომპანია “ანაგია”. კომპანიის საზოგადოებასთან ურთიერთობის და მარკეტინგის დეპარტამენტის დირექტორი, მარიამ გამცემლიძე შპს “გრაფენის” ქვიშა-ხრეშის სამსხვრევ-დამხარისხებელ საწარმოს ეწვია, რომელიც წალენჯიხაში, სოფელ ლიაში მდებარეობს. საწარმოს დირექტორმა გიზო არონიამ უმასპინძლა კომპანიის წარმომადგენელს, მისგან რეკომენდაციები და რჩევები მიიღო და მასთან ერთად სამომავლო თანამშრომლობის გეგმები დასახა.
პროგრამა ხორციელდება „შვეიცარიის განვითარებისა და თანამშრომლობის სააგენტოს (SDC) მიერ დაფინანსებული რეგიონებში მცირე და საშუალო საწარმოების განვითარების პროექტის(RSMEDP) ხელშეწყობით. RSMEDP პროექტი მიზნად ისახავს საქართველოს რეგიონებში დასაქმებისა და შემოსავლების გაზრდას, შვეიცარიის თანამშრომლობის, 2022-2025 წლების სამხრეთ კავკასიის რეგიონის პროგრამის შესაბამისად.