„ინფრასტრუქტურის მშენებელთა ასოციაცია“, ასოციაციის წევრი კომპანიისთვის – „მამისონი“ აცხადებს შრომის უსაფრთხოების მენეჯერის ვაკანსიას.
შრომის უსაფრთხოების მენეჯერის ძირითადი მოვალეობებია:
- პროექტის უსაფრთხოების ზოგადი ნორმების დაცვის უზრუნველყოფა და შესაბამისი წესების დადგენა; თანამშრომლების შრომის უსაფრთხოებაზე ზრუნვა, უსაფრთხო სამუშაო გარემოს შექმნა და მათთვის შესაბამისი ქცევის სტანდარტების დადგენა;
- შრომის უსაფრთხოების რისკების თავიდან აცილების გეგმის შემუშავება;
- ინციდენტების გამომწვევი ძირითადი მიზეზების ანალიზი და პრევენციული ზომების გატარება;
- სამსახურის კომპეტენციის ფარგლებში კრიზისული სიტუაციების მართვა;
- თემატური ტრენინგების ჩატარება;
- შენობების ელექტროუსაფრთხოება;
- სახანძრო უსაფრთხოება და საევაკუაციო გეგმების შემუშავება;
- საწარმოო პროცესის უსაფრთხოება;
- თანამშრომლების ჯანმრთელობაზე ზრუნვა და პირველადი დახმარების აღმოჩენა;
- გარემოსდაცვითი ღონისძიებების მართვა და გარემოზე ზემოქმედების შეფასება;
- ნარჩენების მართვა და ეკოლოგიური გარემოს გაუმჯობესების პროექტების მომზადება;
- ობიექტებზე გასვლა და მის კომპეტენციას მიკუთვნებულ საკითხებზე დანერგილი სახელმძღვანელო პრინციპების რეალობაში განხორციელების შემოწმება;
- რეპორტების მომზადება მის კომპეტენციას მიკუთვნებულ საკითხებთან დაკავშირებით.
შრომის უსაფრთხოების მენეჯერისთვის სავალდებულოა:
- უმაღლესი განათლება (ან პროფესიული საგანმანათლებლო დაწესებულების მიერ გაცემული კვალიფიკაცია, რომელიც უკავშირდება სამუშაო სივრცეში შრომის უსაფრთხოების დაცვას;
- სახელმწიფოს მიერ აღიარებული შრომის უსაფრთხოების სპეციალისტის აკრედიტებული პროგრამის გავლის დამადასტურებელი სერტიფიკატი;
- ინგლისური და რუსული ენის საშუალო დონეზე ფლობა.
შრომის უსაფრთხოების მენეჯერისთვის საჭირო პიროვნული უნარები:
- ორგანიზებული;
- შრომისმოყვარე;
- დეტალების მიმართ ყურადღებიანი;
- კეთილსინდისიერი და სანდო.
თუ თქვენი მონაცემები აკმაყოფილებს ზემოთ ჩამოთვლილ მოთხოვნებს, გთხოვთ, გამოგზავნოთ CV შემდეგ მისამართზე: [email protected] არ გამოგრჩეთ სათაურის ველში ვაკანსიის დასახელების მითითება. დავუკავშირდებით მხოლოდ შერჩეულ კანდიდატებს. განცხადებების მიღების ბოლო ვადა: 15 მარტი, 2019 წელი. გისურვებთ წარმატებებს!