პროექტის მენეჯერი

„ინფრასტრუქტურის მშენებელთა ასოციაცია“, ასოციაციის წევრი კომპანიისთვის – შპს “ენსისი” აცხადებს პროექტის მენეჯერის ვაკანსიას.

შპს “ენსისი” დაარსდა 2009 წელს. კომპანიას გააჩნია 3 ძირითადი მიმართულება: სამშენებლო საქმიანობა, პროექტირება და საშენი მასალების წარმოება.
„ენსისი“-ს სამშენებლო გუნდი მოღვაწეობს მრავალი მიმართულებით. კომპანიას გააჩნია ყველა საჭირო აღჭურვილობა და ტექნიკა ნებისმიერი სირთულის სამშენებლო პროექტის შესასრულებლად. კომპანიის მიერ შესრულებულია არაერთი მნიშვნელოვანი პროექტი მთელი საქართველოს მასშტაბით. ერთ-ერთი „ენსისი“-ს მიერ შესრულებული პროექტი – მუსიკალური და საგამოფენო ცენტრის შენობა რიყეზე, Designboom-ში 2016 წლის მსოფლიოს საუკეთესო შენობათა ათეულში მოხვდა.

შპს „ენსისი“ ეძებს პროექტის მენეჯერს, რომლის ფუნქცია-მოვალეობებია:

• პროექტის გუნდის ხელმძღვანელობა და ზედამხედველობა;
• მოლაპარაკებების წარმოება პროექტში ჩართულ მხარეებთან;
• სამუშაოების შესრულების დროის დაგეგმვა და მართვა – გრაფიკის შედგენა და დაგეგმილი სამუშაოების განხორციელება; შესრულების ვადების კონტროლი;
• სამუშაო ჯგუფების ორგანიზება საჭირო მიმართულებებით და მათ მიერ შესრულებულ დავალებებზე კონტროლი;
• საინჟინრო დოკუმენტების მართვა, მონიტორინგი და ცვლილებების მართვა;
• გეგმების, ნახაზების და მოცულობების გადამოწმება;
პროექტის ხარისხის უზრუნველყოფა;
• პროექტის ფინანსური, ტექნიკური და ადამიანური რესურსების დაგეგმვა და კონტროლი;
• პროექტის ბიუჯეტის შესრულების მკაცრი კონტროლი;
• პროექტის სამუშაოთა მოცულობების შემოწმება/ ხარჯების კონტროლი ბიუჯეტის მუხლების მიხედვით, ანგარიშგების წარმოება;
• ობიექტზე უსაფრთხოების ნორმების მკაცრად დაცვის უზრუნველყოფა;
• პროექტის რისკების კონტროლი;
• ყოველდღიური და ყოველკვირეული ანგარიშგება კომპანიის ტექნიკური დეპარტამენტის უფროსთან.

საკვალიფიკაციო მოთხოვნები:
• უმაღლესი განათლება (უპირატესობა მიენიჭება სამშენებლო მიმართულების მქონე კანდიდატებს);
• ხუთწლიანი სამუშაო გამოცდილება სამოქალაქო მშენებლობის მიმართულებით (ობიექტების მშენებლობა/ექსპლუატაცია);
• სამწლიანი სამუშაო გამოცდილება პროექტის მენეჯერის თანამდებობაზე;
• საოფისე კომპიუტერული პროგრამების ცოდნა (განსაკუთრებული მოთხოვნა – Excel კარგი ცოდნა);
• უპირატესობა მიენიჭება AutoCAD და Microsoft Project-ის მცოდნე კანდიდატებს

უნარ-ჩვევები:
• მენეჯერისათვის დამახასიათებელი სრულყოფილი უნარები;
• დაგეგმვისა და ორგანიზების უნარი;
• არგუმენტირების და დასაბუთების უნარი;
• მოწესრიგებული, დინამიური და დისციპლინირებული;
• შემჭიდროვებულ ვადებში მუშაობის უნარი;
• ძლიერი ანალიტიკური აზროვნება
• გუნდური მუშაობის უნარი;

სამუშაო პირობები:
• სრული სამუშაო განაკვეთი;
• ანაზღაურება – შეთანხმებით, კანდიდატის კვალიფიკაციიდან და გამოცდილებიდან გამომდინარე;

დაინტერესების შემთხვევაში თქვენი რეზიუმე (CV) გამოაგზავნეთ ელფოსტის შემდეგ მისამართზე: [email protected]; [email protected];
სათაურის ველში მიუთითეთ ვაკანსიის დასახელება.
განაცხადების მიღების ვადაა 2021 წლის 15 ივნისი.

აღნიშნულ ვაკანსიაზე მონაცემების გაგზავნით ადასტურებთ, რომ თანახმა ხართ, კომპანიამ “პერსონალურ მონაცემთა დაცვის შესახებ კანონის” ფარგლებში შეაგროვოს, დაამუშავოს და შეინახოს წარდგენილი ინფორმაცია (CV) თქვენი დასაქმებისთვის საჭირო პროცედურების წარმართვის მიზნით. პერსონალური მონაცემები გამოყენებული იქნება მხოლოდ აღნიშნული მიზნისთვის და თქვენი თანხმობის გარეშე არ გადაეცემა მესამე პირს.