“ინფრასტრუქტურის მშენებელთა ასოციაცია/ICCA” აცხადებს მშენებლობის ექსპერტის ვაკანსიას პროექტის ფარგლებში: “მშენებლობისა და ინჟინერიის დარგობრივი უნარების ორგანიზაციის (დუო) ჩამოყალიბება და ინსტიტუციური განვითარება მისი სხვადასხვა ფუნქციის პილოტირების გზით”, რომელიც ხორციელდება USAID-ის პროგრამის Industry-led Skills Development Program-ის მხარდაჭერით.
პროექტი ითვალისწინებს “მშენებლობისა და ინჟინერიის დარგობრივი უნარების ორგანიზაციის (დუო)” სხვადასხვა ფუნქციის პილოტირებას, მათ შორისაა, საგამოცდო პროცესში ჩართულობა, რაც მოიაზრებს საწყის ეტაპზე, მშენებლობისა და ინჟინერიის დარგობრივი რუკის მოდიფიცირებასა და ორი სამშენებლო მიმართულებით პროფესიისა და პროფესიული საგანმანათლებლო სტანდარტის შინაარსისა და სტრუქტურის სრულყოფას.
მშენებლობის ექსპერტის ძირითადი მოვალეობები:
** განათლების ექსპერტთან თანამშრომლობით მშენებლობისა და ინჟინერიის დარგობრივი რუკის მიმდინარე ვერსიის განხილვა, დოკუმენტის განვითარებასა და დახვეწაზე მუშაობა;
** დარგობრივი რუკის განახლებული ვერსიის განხილვა და წარდგენა სამშენებლო სექტორის წარმომადგენლებისათვის;
** ვალიდაციის შეხვედრის შედეგად მიღებული უკუკავშირის შეჯამება, ანალიზი და იმპლემენტაცია დარგობრივ რუკაში;
** მშენებლობისა და ინჟინერიის დარგობრივი რუკის მოდიფიცირებული ვერსიის წარდგენა კერძო და საგანმანათლებლო სექტორების წარმომადგენლებთან.
მშენებლობის ექსპერტის საკვალიფიკაციო მოთხოვნები:
** უმაღლესი აკადემიური განათლება სამოქალაქო მშენებლობის, სამშენებლო მენეჯმენტის, ინჟინერიის ან მომიჯნავე მიმართულებით;
** საქართველოს განათლების სისტემის ცოდნა (სასურველია);
** კერძო სექტორთან თანამშრომლობის გამოცდილება (სასურველია).
სამუშაო პერიოდი: მაისი-ივლისი, 2023
თუ თქვენი მონაცემები აკმაყოფილებს ზემოთ ჩამოთვლილ მოთხოვნებს, გთხოვთ, გამოაგზავნოთ CV შემდეგ მისამართზე: info@icca.ge
არ გამოგრჩეთ სათაურის ველში ვაკანსიის დასახელების მითითება. დავუკავშირდებით მხოლოდ შერჩეულ კანდიდატებს.
განცხადებების მიღების ბოლო ვადა: 14 აპრილი, 2023
გისურვებთ წარმატებებს!