English
3-4 მაისს, ინფრასტრუქტურის მშენებელთა ასოციაციის ორგანიზებითა და კერძო მეწარმეობის საერთაშორისო ცენტრის (CIPE Europe & Eurasia) მხარდაჭერით, თელავში, სასტუმრო Esquisse Boutique Hotel Telavi, სამშენებლო ინდუსტრიაში გენდერულ ნიადაგზე ძალადობისა და შევიწროების აღმოფხვრისა და პრევენციის საკითხებთან დაკავშირებით TOT ტრენინგი გაიმართა. ტრენინგს უძღვებოდნენ სახალხო დამცველის მოადგილე ეკატერინე სხილაძე, პროფკავშირების გაერთიანების თავმჯდომარის მოადგილე რაისა ლიპარტელიანი და ადამიანური რესურსებისა და ორგანიზაციული განვითარების კონსულტანტი, PEMConsult GmbH-ის წამყვანი ექსპერტი ნანა ყუფუნია. ტრენინგში მონაწილეობას იღებდნენ ასოციაციის წევრი კომპანიების ადამიანური რესურსებსა და ადმინისტრაციულ საკითხებზე პასუხისმგებელი პირები, რომლებიც შემდგომში საკუთარ ორგანიზაციებში განახორციელებენ საპილოტე ტრენინგებს აღნიშნულ საკითხთან დაკავშირებით და, ასევე, სახელმწიფო სტრუქტურების წარმომადგენლები.
