შეხვედრა სამშენებლო პროექტებში ხარჯთაღრიცხვის შედგენისა და ინდექსაციის საკითხებთან დაკავშირებით

17 ნოემბერს, ინფრასტრუქტურის მშენებელთა ასოციაციამ, USAID-ის ეკონომიკური მმართველობის პროგრამის მხარდაჭერით, სამუშაო შეხვედრა გამართა, რომელიც შეეხებოდა სახელმწიფო შესყიდვებში სამშენებლო ხარჯთაღრიცხვების შედგენისა და სამშენებლო პროექტებში ფასთა ინდექსაციის საკითხებს.
ღონისძიების ფარგლებში, გაიმართა კვლევის პრეზენტაცია, რომელიც მოიცავს საუკეთესო ევროპულ პრაქტიკებს სამშენებლო პროექტებში ხარჯთაღრიცხვის შედგენისა და ფასთა ინდექსაციის მიმართულებით. აღნიშნულ საკითხებზე გერმანელმა ექსპერტებმა ულრიხ პაეტცოლდმა და ასოციაციის პარტნიორი ორგანიზაციიდან BAUVERBÄNDE NRW e.V, მაიკლ ჰოლრიგლმა იმუშავეს, მათ ონლაინ ჩართვით ისაუბრეს საუკეთესო ევროპული პრაქტიკების შესახებ ინდექსაციისა და ხარჯთაღრიცხვის შედგენის მიმართულებით. ICCA-ს აღმასრულებელმა დირექტორმა ანა საბახტარიშვილმა და გამგეობის თავმჯდომარე კომპანია ინსის გენერალურმა დირექტორმა, ზვიად თოიძემ, გამგეობის წევრი კომპანია “რეფორმას” გენერალურმა დირექტორმა გეგი ქელბაქიანმა, ასოციაციის წევრი კომპანიების წარმომადგენლებმა ისაუბრეს სექტორის წინაშე არსებულ გამოწვევებზე აღნიშნულ საკითხთან მიმართებაში. გაიმართა აქტიური დისკუსია ღონისძიებას ესწრებოდნენ როგორც ეკონომიკის სამინისტროს, ასევე სახელმწიფო შესყიდვების სააგენტოს, საქართველოს პარლამენტის და სხვა სახელმწიფო სტრუქტურების წარმომადგენლები.
ღონისძიება გაიმართა USAID-ის ეკონომიკური მმართველობის პროგრამის მხარდაჭერით
მიმდინარე პროექტის ,,სამშენებლო ხარჯთაღრიცხვებისა და ფასის კორექტირების
რეგულაციების შემუშავებისა და მიღების მხარდაჭერა” ფარგლებში.