
8 აპრილს, პროექტის “მომზადებისა და გადამზადების სასერტიფიკატო პროგრამების განვითარება და დანერგვა” მრჩეველთა საბჭოს პირველი სამუშაო შეხვედრა შედგა.
პროექტის ფარგლებში, ქართულ-ამერიკულ უნივერსიტეტისა (ქართულ-ამერიკული უნივერსიტეტი გაუ / GAU Georgian American University) და ესპანური ორგანიზაციის, CEOE-ს პარტნიორობით, დაგეგმილია, სამშენებლო სექტორში არსებულ ცალკეულ პროფესიებში: სამშენებლო მოედნის მენეჯერი, მშენებლობის მენეჯერი, გარემოსდაცვითი სისტემების მენეჯერი, კვალიფიციური მუშახელის დეფიციტის მინიმუმამდე დაყვანა შესაბამისი მომზადება-გადამზადების პროგრამების შემუშავებისა და დანერგვის გზით.
მრჩეველთა საბჭოს სამუშაო შეხვედრის ფარგლებში, გამოვლინდა ის ძირითადი პრაქტიკული და თეორიული უნარები, რომლებიც აუცილებელია მაღალი კომპეტენციის მქონე სამშენებლო მოედნის, მშენებლობისა და გარემოსდაცვითი სისტემების მენეჯერებისათვის. ასევე, იდენტიფიცირდა პრიორიტეტული საკითხები, რომელზე დაყრდნობითაც მოსამზადებელი პროგრამებისათვის სასწავლო სილაბუსები შეიქმნება.
პროექტი ხორციელდება USAID-ის პროგრამის “დამსაქმებლები პროფესიული განათლებისთვის” (The USAID Industry-led Skills Development Program) მხარდაჭერით.