ინფრასტრუქტურის მშენებელთა ასოციაციამ პროექტის „სამშენებლო ინდუსტრიაში გენდერულ ნიადაგზე შევიწროების და ძალადობის აღმოფხვრის და პრევენციის“ დასკვნითი ღონისძიება გამართა. ღონისძიების ფარგლებში მისასალმებელი სიტყვით მიმართეს აუდიტორიას ასოციაციის აღმასრულებელმა დირექტორმა ანა საბახტარიშვილმა, კერძო მეწარმეობის საერთაშორისო ცენტრის (CIPE) წარმომადგენელმა ქეთევან გოგოჭურმა, პროექტის ექსპერტმა და პროფესიული კავშირების თავმჯდომარის მოადგილემ რაისა ლიპარტელიანმა.
ღონისძიებაზე გაიმართა ასევე, გზამკვლევის „სამშენებლო ინდუსტრიაში გენდერულ ნიადაგზე შევიწროებისა და ძალადობის პრევენცია და აღმოფხვრა“ პრეზენტაცია, რომელიც პროექტის ტრენერმა და გზამკვლევის შემდგენელმა HR კონსულტანტმა ნანა ყუფუნიამ წარადგინა.პანელური დისკუსიის ფარგლებში ასოციაციის წევრი კომპანია „საინჟინრო მონიტორინგის ჯგუფის“ გენერალურმა დირექტორმა ივა სიხარულიძემ და ასევე პროექტის TOT კომპონენტის ფარგლებში ჩატარებული საპილოტე ტრენინგების განმახორციელებელმა ადამიანურ რესურსებზე პასუხისმგებელმა პირებმა ანი კუხალეიშვილმა (BIM CUBE), სალომე კვახაძემ (პრაიმ ბეტონი) და ეკატერინე ზედელაშვილმა ისაუბრეს.
პროექტი კერძო მეწარმეობის საერთაშორისო ცენტრის (CIPE) მხარდაჭერით განხორციელდა.