“ინფრასტრუქტურის მშენებელთა ასოციაციამ” რიგით მეორე საინფორმაციო შეხვედრა გამართა საქართველოს ტექნიკური უნივერსიტეტის სამშენებლო ფაკულტეტის სტუდენტებთან, სამშენებლო ხარჯთაღრიცხვის შემსწავლელ პროგრამასთან დაკავშირებით. შეხვედრის მიზანი აღნიშნული პროგრამის შესახებ სტუდენტებისათვის დეტალური ინფორმაციის მიწოდება და ხარჯთაღმრიცხველის პროფესიის აქტუალობის საკითხები იყო. ასოციაციის აღმასრულებელმა დირექტორმა ანა საბახტარიშვილმა და პროგრამის ავტორმა, სამშენებლო კომპანია “ანაგის” ტექნიკური დეპარტამენტის ხელმძღვანელმა ოქრო ჩხიკვაძემ ვრცლად ისაუბრეს პროგრამის მნიშვნელობაზე, შინაარსსა და პერსპექტივებზე.პროექტს ასოციაცია USAID-ის ეკონომიკური უსაფრთხოების პროგრამის მხარდაჭერით ახორციელებს.
