“ინფრასტრუქტურის მშენებელთა ასოციაციამ” ილიას სახელმწიფო უნივერსიტეტისა და სანდიეგოს უნივერსიტეტის სამოქალაქო ინჟინერიის საბაკალავრო პროგრამის სტუდენტებთან საინფორმაციო შეხვედრა გამართა. შეხვედრის მიზანი სამშენებლო ხარჯთაღრიცხვის შემსწავლელი პროგრამის შესახებ სტუდენტებისათვის დეტალური ინფორმაციის მიწოდება და აღნიშნული პროფესიის აქტუალობის საკითხები იყო.შეხვედრის ფარგლებში, ასოციაციის აღმასრულებელმა დირექტორმა ანა საბახტარიშვილმა ისაუბრა პროფესიის მნიშვნელობასა და განვითარების გზებზე. ილიას სახელმწიფო უნივერსიტეტის ტექნოლოგიის სკოლის დირექტორმა, სამოქალაქო ინჟინერიის პროფესორმა, ვახტანგ ბალავაძემ ისაუბრა ხარჯთაღრიცხვის მნიშვნელობაზე სამოქალაქო ინჟინერიის მიმართულების სტუდენტებისა და კურსდამთავრებულებისათვის. ასევე კურსის დეტალები სტუდენტებს გააცნეს სასწავლო პროგრამის ტრენერებმა, გიორგი გოგიამ და ოთარ დავლიანიძემ.სასწავლო კურსს ასოციაცია USAID-ის ეკონომიკური უსაფრთხოების პროგრამის მხარდაჭერით ახორციელებს და მიზნად ისახავს სექტორში კვალიფიციური კადრების მომზადებას, აღნიშნული მიმართულებით. კონკურსის წესით შერჩეული პირები გაივლიან როგორც თეორიულ ისე პრაქტიკულ სწავლებას.
