4-6 მაისს ინფრასტრუქტურის მშენებელთა ასოციაციის ორგანიზებით, თელავში, სასტუმრო „ესკიზში” პროგრამის „რეგიონებში არსებული სამშენებლო მასალების მწარმოებელი კომპანიების მენტორინგის პროგრამა” ფარგლებში, პროექტში მონაწილე მენტორებისა და მწარმოებელი კომპანიების წარმომადგენლების პირველი შეხვედრა გაიმართა. შეხვედრას ფასილიტაციას პროგრამის ექსპერტი ნანა მიქაშავიძე უწევდა. მენტორებისა და მწარმოებელი კომპანიების წარმომადგენლების შეხვედრისას, გამოვლინდნენ თითოეული ჯგუფიდან ის წყვილი კომპანიები, რომლებიც ითანამშრომლებენ.
მენტორინგის პროცესისათვის შერჩეული მწარმოებელი კომპანიები საქართველოს სხვადასხვა რეგიონიდან არიან. ეს რეგიონებია: სამეგრელო, კახეთი, ქვემო ქართლი, შიდა ქართლი, იმერეთი და გურია. ხოლო მენტორინგს სწევენ ასოციაციის წევრი კომპანიების მაღალი რგოლის მენეჯერები. ეს კომპანიებია: არალი, ანაგი, დიკა 2010, ელემენტ კონსტრაქშენი, ენერგონი, ინსი, ლიმ კონსტრაქშენი, პრაიმ ბეტონი, როუდ ქონსთრაქშენი, სამშენებლო ლაბორატორია, ფერი, სელფორდი.
აღნიშნული პროგრამა ხორციელდება „შვეიცარიის განვითარებისა და თანამშრომლობის სააგენტოს (SDC) მიერ დაფინანსებული რეგიონებში მცირე და საშუალო საწარმოების განვითარების პროექტის(RSMEDP) ხელშეწყობით. RSMEDP პროექტი მიზნად ისახავს საქართველოს რეგიონებში დასაქმებისა და შემოსავლების გაზრდას, შვეიცარიის თანამშრომლობის, 2022-2025 წლების სამხრეთ კავკასიის რეგიონის პროგრამის შესაბამისად.