English
10 ივლისს, “ინფრასტრუქტურის მშენებელთა ასოციაციამ პროექტის “პროფესიული განათლების ხელშეწყობა სამშენებლო სექტორში” დასკვნითი ღონისძიება გამართა. აუდიტორიას მისასალმებელი სიტყვით მიმართეს ასოციაციის აღმასრულებელმა დირექტორმა ანა საბახტარიშვილმა, გამგეობის თავმჯდომარე კომპანია “ინსის” გენერალურმა დირექტორმა ზვიად თოიძემ, გერმანიის საერთაშორისო თანამშრომლობის საზოგადოების პროგრამის “კერძო სექტორის განვითარება და პროფესიული განათლება სამხრეთ კავკასიაში” გუნდის ლიდერმა სელმა ულრიხსმა, პროფესიული უნარების სააგენტოს გენერალურმა დირექტორმა თამარ ქიტიაშვილმა და განათლებისა და მეცნიერების სამინისტროს ანალიზის დეპარტამენტის უფროსმა ანა ბეჟანიშვილმა. ღონისძიების მეორე ნაწილის ფასილიტაცია GIZ-ის პროგრამის ექსპერტმა მარიკა ზაქარეიშვილმა წარმართა, რომლის ფარგლებშიც შედგა კვლევის “სამშენებლო კომპანიებისა და პროფესიული საგანმანათლებლო
დაწესებულებებისგან გამოვლენილი საჭიროებები” პრეზენტაცია. კვლევა ასოციაციის პროფესიული განვითარების გუნდის მენეჯერმა ლილე შალიკიანმა წარადგინა. სამშენებლო სექტორისთვის პრიორიტეტული კვალიფიკაციების განვითარებაში ჩართულმა ექსპერტებმა: ვახტანგ ბალავაძემ, შორენა ჯაფარიძემ და თამარ რუხაძემ მიმოიხილეს გამოწვევები და სამომავლო გეგმები ინდუსტრიაში პროფესიული განათლების მიმართულებით. სოფო დოლიძემ და ივანე ქებაძემ ისაუბრეს პროფესიულ საგანმანათლებლო პროგრამებში შეფასების ვალიდური ინსტრუმენტების შემუშავების მნიშვნელობაზე, აგრეთვე, კოლეჯ “ბლექ სის” პედაგოგებისათვის ჩატარებულ სატრენინგო შეხვედრებზე. კომპანია “ინსის” მიწისა და მონოლითური სამუშაოების სამსახურის უფროსმა ირაკლი ხმალაძემ თავის გამოსვლაში საგამოცდო პროცესში კერძო სექტორის ჩართულობის აუცილებლობაზე ისაუბრა.
პროექტი ხორციელდებოდა GIZ-ის პროგრამის “კერძო სექტორის განვითარება და პროფესიული განათლება სამხრეთ კავკასიაში” ფარგლებში.
ICCA აგრძელებს პროფესიული განათლების მხარდაჭერას.