English
ინფრასტრუქტურის მშენებელთა ასოციაციამ სასტუმრო “რედისონ რედში” მენტორინგის პროგრამის ფარგლებში მენტორებისა და მოსარგებლე კომპანიების მორიგი და დასკვნითი შეხვედრა გამართა, რომლის პირველ ნაწილს პროგრამის ექსპერტი ნანა მიქაშავიძე უძღვებოდა. ღონისძიების მეორე ნაწილი დაეთმო ევროპის რეკონსტრუქციის და განვითარების ბანკის (EBRD) პრეზენტაციას, რომლის ფარგლებშიც მცირე და საშუალო ბიზნესის ფინანსების და განვითარების ანალიტიკოსმა ნიკა ჩხეიძემ, მცირე ბიზნესის მხარდაჭერის პროგრამის შესახებ ინფორმაცია გააცნო აუდიტორიას. ამასთან, ღონისძიების ფარგლებში, პროგრამით გათვალისწინებული ბიზნესის მხარდამჭერი სერვისების მიმართულებით ორგანიზაციებმა საკუთარი მომსახურებები წარადგინეს. მენტორინგის პროგრამა ითვალისწინებს აღნიშნული სერვისებით მწარმოებელი კომპანიებისათვის 80%-იან თანადაფინანსებას. კომპანია “საფკო”ს თანადამფუძნებელმა დავით თხელიძემ შრომის უსაფრთხოების საკონსულტაციო მომსახურებაზე ისაუბრა. ფინანსური მართვის სერვისები კი კომპანია “ლოიალტეს” მმართველმა პარტნიორმა გიგა ფაიქიძემ წარმოადგინა. ამავე თემაზე, ღონისძიებაზე, რეგიონულმა ორგანიზაციებმა წარმოადგინეს პრეზენტაციები: “ფინსერვის აუდიტიდან” (სამეგრელო) – ზურაბ მამფორიამ, Finforce-დან (კახეთი) – კომპანიის აღმასრულებელმა დირექტორმა – ანა ერქომაიშვილმა ისაუბრეს. Master Builders Solutions-ის სერვისებზე, სამშენებლო მასალის ტექნოლოგიების თვალსაზრისით, თემურ თაქთაქიძემ წარადგინა პრეზენტაცია.
პროგრამა ხორციელდება „შვეიცარიის განვითარებისა და თანამშრომლობის სააგენტოს (SDC) მიერ დაფინანსებული რეგიონებში მცირე და საშუალო საწარმოების განვითარების პროექტის(RSMEDP) ხელშეწყობით. RSMEDP პროექტი მიზნად ისახავს საქართველოს რეგიონებში დასაქმებისა და შემოსავლების გაზრდას, შვეიცარიის თანამშრომლობის, 2022-2025 წლების სამხრეთ კავკასიის რეგიონის პროგრამის შესაბამისად.