მძიმე ტექნიკის ოპერატორის პროფესიის სტანდარტის განხილვა

7 დეკემბერს, 15:00 საათზე, ინფრასტრუქტურის მშენებელთა ასოციაცია, მშენებლობისა და ინჟინერიის დუო-ს(დარგობრივი უნარების ორგანიზაცია) საინიციატივო ჯგუფის სახელით,იწვევს დაინტერესებულ პირებს მძიმე ტექნიკის ოპერატორის პროფესიის სტანდარტის გაფართოებულ განხილვაზე, რომელიც გაიმართება ICCA-ს ოფისში, მისამართზე ონიაშვილის ქუჩა#14.

 USAID-ის პროგრამის დაფინანსებითა და პროფესიული უნარების სააგენტოს მხარდაჭერით, დუო-ს საინიციატივო ჯგუფის სპეციალისტთა ჯგუფმა, განათლების ექსპერტის დახმარებით, შეიმუშავა დოკუმენტის სამუშაო ვერსია. (აღნიშნული დოკუმენტის წინასწარი გაცნობით დაინტერესების შემთხვევაში, მოგვწერეთ ელ.ფოსტაზე [email protected])

ამ ეტაპზე, მეტად პრიორიტეტულია, უშუალოდ კერძო სექტორის წარმომადგენლებისაგან მივიღოთ უკუკავშირი, იმისათვის, რომ სწორი მიმართულებით განვაგრძოთ მუშაობა და სამომავლოდ მოვამზადოთ სპეციალისტი, რომელიც დააკმაყოფილებს დამსაქმებლის საკვალიფიკაციო მოთხოვნებს.

მნიშვნელოვანია, შეხვედრის მონაწილე:

– ერკვეოდეს მძიმე ტექნიკის ოპერირების ასპექტებში 

– წარმოდგენა ჰქონდეს მძიმე ტექნიკის ოპერატორის, როგორც სპეციალისტის, სამუშაო სპეციფიკასა და კომპეტენციებზე.

გთხოვთ, 5 დეკემბრამდე დაგვიდასტუროთ შეხვედრაში მონაწილეობა ელ-ფოსტაზე: [email protected]