კონკურსი მენტორინგის პროგრამაში მონაწილეობაზე სამშენებლო მასალების მწარმოებელთათვის

“ინფრასტრუქტურის მშენებელთა ასოციაციის” წევრი კომპანიები, რომლებიც ჩართულნი არიან “რეგიონებში არსებული სამშენებლო მასალების მწარმოებელი კომპანიების მენტორინგის პროგრამაში”, მენტორების სტატუსით, აცხადებენ შესარჩევ კონკურსს, სამშენებლო მასალების მწარმოებელი კომპანიებისათვის.

მენტორებს წარმოადგენენ შემდეგი კომპანიების ტოპ-მენეჯმენტის წარმომადგენლები:

არალი, ანაგი, დაგი, დიკა 2010, ელემენტ კონსტრაქშენი, ენერგონი, ინსი, ლიმ კონსტრაქშენი, პრაიმ ბეტონი, როუდ ქონსთრაქშენი, სამშენებლო ლაბორატორია, ფერი.

აღნიშნული პროგრამის ფარგლებში, მასალის მწარმოებლებისთვის (შემდგომში ბენეფიციარებისთვის), ცოდნისა და გამოცდილების გაზიარების შედეგად, მწარმოებელი შეძლებს:

** სექტორის ერთ-ერთ წამყვან სამშენებლო კომპანიასთან ურთიერთობის უნიკალური გამოცდილების შეძენას;

** მენტორ კომპანიასთან საქმიანი ურთიერთობის წამოწყების/გაგრძელების რეალური პერსპექტივის დასახვას;

** კომპანიის განვითარების შემაფერხებელი გარემოებების იდენტიფიკაციასა და განვითარების სტრატეგიის დასახვას.

დაინტერესებულ პირებს რეგისტრაციის გავლა შეუძლიათ ბმულზე: https://bit.ly/3GiDrle

🔸აღნიშნული პროგრამა ხორციელდება „შვეიცარიის განვითარებისა და თანამშრომლობის სააგენტოს (SDC) მიერ დაფინანსებული რეგიონებში მცირე და საშუალო საწარმოების განვითარების პროექტის(RSMEDP) ხელშეწყობით. RSMEDP პროექტი მიზნად ისახავს საქართველოს რეგიონებში დასაქმებისა და შემოსავლების გაზრდას, შვეიცარიის თანამშრომლობის, 2022-2025 წლების სამხრეთ კავკასიის რეგიონის პროგრამის შესაბამისად.