English
მომდევნო შეხვედრა მენტორინგის პროგრამის ფარგლებში გორში შედგა, სადაც მენტორის სტატუსით, ასოციაციის გამგეობის თავმჯდომარე კომპანია “ინსის” შესყიდვების და ლოგისტიკის დეპარტამენტის ხელმძღვანელმა ნინო ჭანტურიამ მოსაპირკეთებელი ფილების საწარმო დაათვალიერა, გაეცნო მუშაობის სპეციფიკას და თავისი გამოცდილება გაუზიარა კომპანია “ბესტ თაილის” დირექტორს.
პროგრამა ხორციელდება „შვეიცარიის განვითარებისა და თანამშრომლობის სააგენტოს (SDC) მიერ დაფინანსებული რეგიონებში მცირე და საშუალო საწარმოების განვითარების პროექტის(RSMEDP) ხელშეწყობით. RSMEDP პროექტი მიზნად ისახავს საქართველოს რეგიონებში დასაქმებისა და შემოსავლების გაზრდას, შვეიცარიის თანამშრომლობის, 2022-2025 წლების სამხრეთ კავკასიის რეგიონის პროგრამის შესაბამისად.