კომპანია “არალი”, მენტორინგის პროგრამის ფარგლებში, შპს “წალკა ინვესტს”ესტუმრა

შპს “წალკა ინვესტი” ბეტონსა და ბეტონის ნაკეთობებს აწარმოებს. კომპანია “არალის” დირექტორის მოადგილე ეკა თათეშვილი მენტორინგს უწევს აღნიშნულ კომპანიას. პროექტის ფარგლებში ის ადგილზე, საწარმოში ჩავიდა და დავით გიორგაძეს რეკომენდაციები მისცა საწარმოს განვითარებასთან დაკავშირებით. ასევე, მისთვის სპეციალური სასწავლო ვიზიტის დაგეგმვა უზრუნველყო, რომლის საფუძველზეც, დავითი თურქეთში გაემგზავრა და საწარმოში სიახლეებისა და ტექნოლოგიის დახვეწის გზებს გაეცნო.

პროგრამა ხორციელდება „შვეიცარიის განვითარებისა და თანამშრომლობის სააგენტოს (SDC) მიერ დაფინანსებული რეგიონებში მცირე და საშუალო საწარმოების განვითარების პროექტის(RSMEDP) ხელშეწყობით. RSMEDP პროექტი მიზნად ისახავს საქართველოს რეგიონებში დასაქმებისა და შემოსავლების გაზრდას, შვეიცარიის თანამშრომლობის, 2022-2025 წლების სამხრეთ კავკასიის რეგიონის პროგრამის შესაბამისად.