“ინფრასტრუქტურის მშენებელთა ასოციაციის” აღმასრულებელმა დირექტორმა ანა საბახტარიშვილმა და ყაზახეთის რესპუბლიკის მშენებელთა გაერთიანების (Union of Builders of Kazakhstan) თავმჯდომარის მოადგილემ, სერიქზან მერგენბაიევმა ხელი მოაწერეს ურთიერთშეთანხმების ხელშეკრულებას, რომელიც გულისხმობს მხარეთა გაძლიერებასა და თანამშრომლობის განვითარებას.
შეთანხმების თანახმად, ორგანიზაციები სამშენებლო კერძო სექტორთან დაკავშირებული სხვადასხვა საკითხის თაობაზე მიმოცვლიან ინფორმაციას. აგრეთვე, მხარს დაუჭერენ სექტორში არსებული გამოწვევებისა და პრობლემების სიღრმისეულ კვლევას, ხელს შეუწყობენ სამშენებლო პროფესიების პოპულარიზაციასა და საერთაშორისო თანამშრომლობის ჩამოყალიბებას.
