ICCA-მ ახალი წევრი კომპანიების პრეზენტაცია გამართა

2 იანვარს „ინფრასტრუქტურის მშენებელთა ასოციაცია“ სასტუმრო „ლოპოტა სპა რეზორტში” ახალი წევრი კომპანიების პრეზენტაცია გამართა. პრეზენტაცია კომპანიების შესახებ ვიდეოების ჩვენებას მოიცავდა, რომელიც შემდგომ პანელური დისკუსიით გაგრძელდა. დისკუსია გარდა უშუალოდ კომპანიების მიმართულებების შესახებ საუბრისა, შეეხებოდა მდგრადი მშენებლობის და მდგრადი განვითარების საკითხებს ინდუსტრიაში. დისკუსიის მოდერაცია გიორგი ისაკაძემ გასწია. ღონისძიების ფარგლებში ასევე შედგა შედგა მენტორინგის პროგრამის დახურვის ცერემონიაც, სადაც ასევე ისაუბრეს საკუთარ მაგალითებზე დაყრდნობით პროგრამაში მენტორის სტატუსით ჩართულმა კომპანია “არალის” დირექტორის მოადგილემ ეკა თათეშვილმა და პროგრამის ბენეფიციარმა დავით გიორგაძემ, ასევე, პროგრამის ექსპერტმა ნანა მიქაშავიძემ.

ამავე დღის ფარგლებში, ასოციაციამ საერთო კრებაზე ახალი გამგეობის წევრი აირჩია, რომელიც კომპანია “ბემონი ინჟინერია და მშენებლობა” გახდა. ღონისძიებაზე შედგა შემდეგი კომპანიების პრეზენტაციები: „ელსაიდი“, „ჰიდროდიაგნოსტიკა“, „ბემონი ინჟინერია და მშენებლობა“, „ვორტექსი“, „სელფორდი“, „აპარტ ქონსთრაქშენი“, „სპეცკომფორტი“.

ღონისძიების ოქროს სპონსორი იყო კომპანია ვისოლი, ხოლო მხარდამჭერი – თიბისი ბანკი.