English
შეხვედრები მენტორინგის ფარგლებში გრძელდება. ამჯერად, “ელემენტ ჰოლდინგის” დირექტორი ზაქრო ებელაშვილი ესტუმრა მწარმოებელ კომპანია “აირონ +”-ს ახმეტაში, გაეცნო წარმოების შესახებ ინფორმაციას და გარკვეული რჩევები და რეკომენდაციები მისცა. კომპანია “აირონ +” კახეთში, ახმეტაში ოპერირებს. ის რამდენიმე მიმართულებით მუშაობს, მათ შორის, ლითონის გადამუშავება, ენერგოეფექტური ღუმელების წარმოება, მეტალოპლასტმასის კარ-ფანჯრის წარმოება და ა.შ.
პროგრამა ხორციელდება „შვეიცარიის განვითარებისა და თანამშრომლობის სააგენტოს (SDC) მიერ დაფინანსებული რეგიონებში მცირე და საშუალო საწარმოების განვითარების პროექტის(RSMEDP) ხელშეწყობით. RSMEDP პროექტი მიზნად ისახავს საქართველოს რეგიონებში დასაქმებისა და შემოსავლების გაზრდას, შვეიცარიის თანამშრომლობის, 2022-2025 წლების სამხრეთ კავკასიის რეგიონის პროგრამის შესაბამისად.