ინფრასტრუქტურის მშენებელთა ასოციაცია 29 ივნისს, 11 საათზე სამშენებლო ხარჯთაღმრიცხველების შეხვედრას უმასპინძლებს, რომელსაც ასოციაციის გამგეობის წევრი კომპანია “ანაგის” ტექნიკური დეპარტამენტის ხელმძღვანელი ოქროპირ ჩხიკვაძე გაუძღვება. შეხვედრა ჩატარდება ხარჯთაღმრიცხველთა პროფესიული გაერთიანების CECC HUB-ის ფარგლებში და ის ღიაა ყველა დაინტერესებული პროფესიონალისათვის, აღნიშნული მიმართულებით. დისკუსია შეეხება აქტუალურ საკითხებს და გამოწვევებს ხარჯთაღრიცხვების შედგენისას.
სამშენებლო ხარჯთაღმრიცხველთა ჰაბი USAID-ის ეკონომიკური უსაფრთხოების პროგრამის მიერ მხარდაჭერილი პროექტის ფარგლებში შეიქმნა, რომლის ფარგლებშიც, ICCA-მ ხარჯთაღმრიცხველების მომზადების სატრენინგო კურსის შედგენასა და განხორციელებას გაუწია ორგანიზება.
პირველი დისკუსია HUB-ის ფარგლებში მაისის თვეში შედგა.
შეხვედრა გაიმართება ინფრასტრუქტურის მშენებელთა ასოციაციის საკონფერენციო დარბაზში. მისამართი: ო. ონიაშვილის ქ. 14, თბილისი.