19 ოქტომბერს პროექტი “ევროკოდების ადაპტაციის მხარდაჭერა ახალგაზრდა პროფესიონალებისთვის განკუთვნილი სასწავლო პროგრამების მეშვეობით” გაიხსნა, რომელიც USAID ეკონომიკური მმართველობის პროგრამის მხარდაჭერით ხორციელდება. ტრენინგის დაწყებამდე, ასოციაციის აღმასრულებელმა დირექტორმა, ანა საბახტარიშვილმა და USAID-ის ეკონომიკური მმართველობის პროგრამის ხელმძღვანელის მოადგილემ ნინო ჩოხელმა მისასალმებელი სიტყვა წარმოთქვეს და პროექტის და მისი მნიშვნელობის შესახებ ისაუბრეს. ევროკოდების ადაპტაციის მიმართულებით მიმდინარე რეფორმის შესახებ ისაუბრა ასევე საქართველოს ეკონომიკისა და მდგრადი განვითარების სამინისტროს სამშენებლო პოლიტიკის დეპარტამენტის უფროსის მოადგილემ რუსუდან სულამანიძემ. პროექტის კვლევითი ნაწილი მიმოიხილა თავის სიტყვაში პროექტის ექსპერტმა, დავით გიგინეიშვილმა. რას მოიცავს კურსი და რა საკითხებზე გამახვილდება ყურადღება მის ფარგლებში, ამ შინაარსის პრეზენტაციით წარსდგა პროექტის ტრენერი, ირაკლი ურუშაძე. ღონისძიება სასწავლო პროგრამის პირველი ტრენინგით გაგრძელდა.
