ტრენინგი “შრომის უსაფრთხოების სპეციალისტის ვალდებულებები და პირველადი დახმარება”

დასრულდა სატრენინგო კურსი „შრომის უსაფრთხოების სპეციალისტის ვალდებულებები და პირველადი დახმარება“, რომელიც ასოციაციის ორგანიზებით შედგა და განკუთვნილი იყო ორგანიზაციაში შრომის უსაფრთხოების მიმართულებით მომუშავე ადამიანებისა და სხვა დაინტერესებული თანამშრომლებისთვის.2-დღიანი ტრენინგის თემატიკა იყო შრომის უსაფრთხოების სპეციალისტის ვალდებულებები და დამსაქმებლისა და უსაფრთხოების სპეციალისტის ვალდებულებების, პასუხისმგებლობების გამიჯვნა და ასევე უშუალოდ პირველადი სამედიცინო დახმარების გაწევა.ტრენინგ კურსს უძღვებოდნენ ტრენერები: ირაკლი არაბიძე – საჯარო მმართველობის დოქტორი შრომის უსაფრთხოებაში, შრომის უსაფრთხოების საკონსულტაციო კომპანია „სეიფთი ლაბ“-ის დამფუძნებელი; გიორგი ტატულაშვილი – კლინიკური უნარჩვევების ლექტორი და CME კურსის ტრენერი. ლიცენზირებული პარამედიკოსი. პირველადი დახმარების ცენტრის ინსტრუქტორი.